INDICE

Antonio de Curtis (Totò)

Antonio Testa

Carlo Isaia

---

Antonio de Curtis (Totò) sul WEB
	Totò (archivi RAI) Totò su Wikipedia Totò su MySpace antoniodecurtis.com antoniodecurtis.org antoniodecurtis.net votantonio.sm

---

AMO NAPOLI

di Antonio Testa (Gennaio 2007)

Â

Amo Napoli . L’amo tantissimo. E, come tanti di noi, godo, con orgogliosa soddisfazione, per i suoi “momenti” di riconosciuta positività e soffro, con dolorosa mortificazione,  per i “momenti” di innegabile negatività.

Ma “Napoli” siamo noi!!!

Ed, allora, siamo noi, e solo noi, che possiamo “farci del bene” o “farci del male”.

E l’amore per la mia città mi ha portato a scegliere la lingua napoletana per rivestire semplici riflessioni  in rima,  sui tanti problemi della vita napoletana, che offro a chi mi regala, generosamente, amicizia o simpatia.

Nascono così: ’O turno ( sulle difficili condizioni della quotidiana esistenza), ’A verità ( sulle certezze, troppo spesso ingannevoli, affermate dai nostri interlocutori), Nun chiagnere (sulla necessità di non abbandonarsi ad atteggiamenti di vittimismo o di autocommiserazione), Servaggio (sull’importanza della libertà, anche, e soprattutto, di pensiero), Fuimmencenne ( sui tanti mali della città),’O suttanino (sulla presa di coscienza della eccezionalità di un momento magico), Presepe napoletano (sulla speranza di rinascita), Nu chiapparello (sul valore della solidarietà), Pensieri e parole di un cuore (sulla donazione degli organi), Oro, ‘ncienzo e mirra ( sulla ipocrisia delle parole usate) e ’E pasture arragggiate (sulla esigenza di coltivare i rapporti umani).

Â

---

‘0 turno

Â

Chi nasce e vive dint’ ‘a ‘sta cittÃ

nun campa tutt’ ‘a vita, ma ‘a ‘mmítà.

Te pare strana chest’affermazione?

Aspetta: mo ti spiego la ragione.

Ca c’è ‘na legge, e s’adda rispettà‘.

Qual’è ‘sta legge? L’alternatività!

Â

« Siete troppi ‑ Ha ditto l’Eccelenza –

so’ poch’ ‘e scole: mbè, ce vo’ pacienza ».

Allora, per seguire l’istruzione,

per tutti alternatív’è la lezione.

A scola, tutte ‘e juorne, nun può gghì,

ogge vai tu, dimane po’ vach’j’.

Â

« Siete troppi. ‑ Ha dítto l’Eccellenza –

è poca l’acqua; mbè, ce vo’ pacìenza ».

Allora, mo, pe’ vevere e mangià‘,

a turno, ‘na pruvvista avímm’a fà‘.

E, si tiene bisogno ‘e te lavà‘?

A quanno vene l’acqua he’ ‘a rimandà‘.

Â

« Siete troppi. ‑ Ha ditto l’Eccellenza –

so’ poch’ ‘e strade; mbè, ce vo’ pacienza».

Allor, siccom’il traffico è bloccato,

d’ ‘a machina c’è l’uso limitato.

E pirciò d’ ‘e targhe è necessario

n’atu turno, seguenn’ ‘o calennario.

Â

Tu dici: «che vuo’ fà, questa è la vita”

Ma va vattenne, chestè … meza vita.

Allora, na pruposta tengo ‘a fà‘:

Amice, quanno nuie saglímmo llà,

chiedimmel’ ‘o permesso ‘e ríturnà‘

pecché nce avimm’ ‘a fà‘ l’ata ‘mmità.

Â

« Siete troppi. ‑ Ha dítto l’Eccellenza –

è poca l’acqua; mbè, ce vo’ pacìenza ».

Allora, mo, pe’ vevere e mangià‘,

a turno, ‘na pruvvista avímm’a fà‘.

E, si tiene bisogno ‘e te lavà‘?

A quanno vene l’acqua he’ ‘a rimandà‘.

Â

« Siete troppi. ‑ Ha ditto l’Eccellenza –

so’ poch’ ‘e strade; mbè, ce vo’ pacienza».

Allor, siccom’il traffico è bloccato,

d’ ‘a machina c’è l’uso limitato.

E pirciò d’ ‘e targhe è necessario

n’atu turno, seguenn’ ‘o calennario.

Â

Tu dici: «che vuo’ fà, questa è la vita”

Ma va vattenne, chestè … meza vita.

Allora, na pruposta tengo ‘a fà‘:

Amice, quanno nuie saglímmo llà,

chiedimmel’ ‘o permesso ‘e ríturnà‘

pecché nce avimm’ ‘a fà‘ l’ata ‘mmità.

Â

« Siete troppi. ‑ Ha dítto l’Eccellenza –

è poca l’acqua; mbè, ce vo’ pacìenza ».

Allora, mo, pe’ vevere e mangià‘,

a turno, ‘na pruvvista avímm’a fà‘.

E, si tiene bisogno ‘e te lavà‘?

A quanno vene l’acqua he’ ‘a rimandà‘.

Â

« Siete troppi. ‑ Ha ditto l’Eccellenza –

so’ poch’ ‘e strade; mbè, ce vo’ pacienza».

Allor, siccom’il traffico è bloccato,

d’ ‘a machina c’è l’uso limitato.

E pirciò d’ ‘e targhe è necessario

n’atu turno, seguenn’ ‘o calennario.

Â

Tu dici: «che vuo’ fà, questa è la vita”

Ma va vattenne, chestè … meza vita.

Allora, na pruposta tengo ‘a fà‘:

Amice, quanno nuie saglímmo llà,

chiedimmel’ ‘o permesso ‘e ríturnà‘

pecché nce avimm’ ‘a fà‘ l’ata ‘mmità.

Â

[ Inizio ]

---

A verítà‘

Â

Ogni vota ca i’ sento « verità»,

chesta parol’a me me fa paura:

e subbet’accummencio a suspettà‘

che sotto ce sta n’ata fregatura.

Â

«E’ overo! Si tu vuo’, pozzo giurà’ »

… E me n’aggi’ ammuccate fesserie.

Pienze ca ‘ncoppa a ciente veritÃ

nuvantanove erano buscie.

Â

E torna sempe dint’ ‘a capa mia

chiflu ditto ‘e n’epoca passata:

« A veritità è sulo na buscia

ca nun è stat’ancora scummigliata ».

Â

[ Inizio ]

---

 Nun chiagnere

Â

Duje suricille, c’avetter’ ‘a fuì’

pe’ nun fà‘ fà‘ marenn’a cíerti gatte,

pe’ mala ciorte jetter’a ferni’

dint’a na caccavella chien’ ‘e latte.

Â

‘0 Primmo surícillo s’avvilette,

alluccaje: « Comme so’ sfurtunato! »,

Ma niscíun’a salvarlo llà venette

e, dínt’a niente, murett’affucato.

Â

Chill’at’invece nun se disperaje,

a correr’ínt’ ‘o latte se mettette.

Quann’accís’ ‘è fatica se fermaje,

’ncopp’a na form’ ‘è burro s’addurmette,

Â

‘Stu cunto caggio ‘ntiso m’è piaciuto,

pecché ce ‘mpara comme s’adda campà‘:

nun chiagnere, si ‘nterra si’ caruto;

aìzate, cuntínu’ ‘a cammenà‘!

Â

[ Inizio ]

---

Servaggio

Â

« Servaggio è male volontario », leggiste,

e ‘ncoppe a nu fuglietiello m’ ‘o scriviste.

Â

E’ overo. So’ d’accordo, ‘a servitù

tanti vot’ è na colpa, comme dice tu.

Ma ‘a schiavitù, cara nennella mia,

è colpa si, ma è pure malatia.

E ogni cura, comme sta accertato,

nun è problema sul’ ‘e chi è malato.

Mill’anne ‘e vita sott’ a nu padrone

fanno nu populo «tre vote bbuone»:

te lasseno ‘a pacienza ‘e suppurtà‘,

ma accireno ‘o curaggio d’ ‘o penzà‘.

E, si ‘stu populo nun cresc’ e nun migliora,

dipenne pur’ a chi critica ‘a fore,

e nun l’aiut’ a capì’ che ‘a libertÃ

spezza ‘a catena … pure d’ ‘a puvertà.

Â

[ Inizio ]

---

Fuimmencenne!

Â

” E’ Roma’ a capitale d’’a nazione;

Sanremo, ‘a capitale d’’a canzone;

Milano, ‘a capitale d’’a ricchezza;

Napule …’a capitale d’’a munezza!

Â

Sentite a me, ccà nun se pò campà‘.

Genna’, fuimmencenne ‘a ‘sta città!

Â

Torino è ‘capitale d’ ‘a fatica;

Firenze, ‘e tanta bella ‘rrobb’antica;

Modena, chella d’’a machina che corre;

Napule …’a capitale d’’e cammorre!

Â

Sentite a me, ccà nun se pò campà‘.

Genna’, fuimmencenne ‘a ‘sta città!

Â

Verona è capitale dell’amore;

Genova, chella d’ ‘o navigatore;

Carrara, d’ ‘e prete bone p’ ‘e sculture;

Napule … chella d’’e meglio scippature!

Â

Sentite a me, ccà nun se pò campà‘.

Genna’, fuimmencenne ‘a ‘sta. città!

Â

Â

D’’a seta fina Como è capitale;

Viareggio, chella d’ ‘a fest’ ‘e carnevale;

Palermo, ‘a capitale d’ ‘a cassata;

Napule … chella d’ ‘a gente sfaticata!

Â

Sentite a me, ccà nun se pò campà.

Genna’, fuimmencenne ‘a ‘sta città!

Â

Bologna è ‘a capitale d’ ’o mangià;

e Assisi chella d’ ‘a santa puvertà;

Cremona, ‘a capitale d’ ‘o víulino;

Napule … chella d’ ‘o traffico ‘a casino!

Â

Sentite a me, ccà nun se pò campà‘.

Genna’, fuimmencenne ‘a ‘sta città!

Â

E’ Lecce d’ ’o barocco ‘a capitale;

Ferrara, ‘e chíllu pane ch’è speciale;

Venezia, chella cu’ I’acqua miez’ ’a via;

Napule … d’ogni cchiù brutta malatia!

Â

Sentite a me, ccà nun se pò campà‘.

Genna’, fuimmencenne ‘a ‘sta città!

Â

Fetente, camorrista e scustumato,

inalato, scippatore e sfaticato:

chesto se dice, da Gela a Bolzano –

nell’altra Italia ‑ d’ ‘o napulitano.

Â

Sentite a me, ccà nun se pò campà‘.

Genna’, fuirnmencenne ‘a ‘sta città!

Â

’0n Gennà, ma che d’è? Vuie murmuliate?!

Nun vedite ca nuje stammo ‘nguiate?

Site cecato, nun ve guardate attuorno?

Tenimmo,’ncopp’ ’a faccia, scrìtt’ ‘o scuorno.

Sentite a me ccà nun se pò campà.

Genna’, fuimmencenne ‘a ‘sta città!

Â

’E ghiatevenne! Vuje stat’ ancora ccà?

Basta! Nu ò supporto cchìù chìstu parlà!

Si Napule sta murenno … disperata,

è colpa’e tutt’ ‘a gente rassignata.

Â

Si! Iatevenne! Je, no! Voglio restà!

Nu schiattamuorto ce vo’ pe’ ‘sta città!

Â

[ Inizio ]

---

Presepe napoletano

Â

Comme fann”e guaglìune dint’ ’e scole,

‘o presepio, v’ ‘o faccio cu’ ‘e parole.

Pe’ ‘a scena tengo ‘e strad’ ‘e sta cittÃ

e, pe’ pasture, tanta gente ca sta ccà:

Â

’e casarelle, fredde e sgarrupate,

’e metto, tutte quante sparpagliate,

miez”o verde , remmasto, d’ ’a cullina,

‘a do’ se ved’ ’o mare ‘e Martellina;

Â

pe ‘priparà’ l’effetto d ’a cascata,

nun serve l’acqua, nè cart’argentata,

nu scìumm’ ’e machine, fin’ alla Marina,

’e faccio scenner’ ’a coppa San Martìno;

Â

a piazza Dante, sotto a nu purtone,

sistemo na guagliona e nu guaglione,

che, ‘ncatenate cu’ chella mala sciorte,

ogni ghiuorno, pazzeano cu’ ‘a morte;

Â

a ‘o Vommero, metto na lambretta,

che corre, dopp’ ‘o scippo ‘e na burzetta,

e na figliola, miez ‘a Ferrovia,

che, culI’ammore, venne ‘a malatia;

Â

‘ncoppe a l’evera ‘nfosa d’ ‘a funtana,

je metto stiso, ‘nzieme cu’ na cana,

comme si fosse Benino, nu barbone,

che sta durmenno sott’ ‘a nu cartone;

Â

proprio vicin’ all’angolo ‘e Furcella,

piazzo a na vecchia cu’ na cascettella

e nu giovane, cu’ na catena d’oro,

pe’ tramente ca s’accatta nu malboro;

Â

for’a nu vascio, dint’a nu vicariello,

‘nce aggia mettere nu solachianello

che sta siscanno nu viecchio ritornello

e se sfoga a botte ‘e semmenzelle;

Â

e, pe’ purtà ‘a folla verso ‘a Grotta

pozzo ‘nventà‘ na specie ‘e Piererottà,

cu’ gente anziana e tanta giuventù,

senza ‘e trumbette e senz’ ‘e putipù;

Â

p’ ‘a Grotta tengo un posto stabilito,

l’aggia fa’ miez’a Piazza Plebiscito,

‘nnanz’a ‘o palazzo addo ce stev’ ‘o rre

e cu’mllle luci che l’hann’ ’a fà‘ vedè’;

Â

e, llà attuorno, per il lieto evento,

sistemo tutto ‘o popolo cuntento,

cu’ na faccia appicciat’ ‘e meraviglia,

comm’a chi ved’ ‘a perla ‘int’ ’a cunchiglia;

Â

francise, giappunisi, americani,

rumani, milanisi, sicialiani,

tutti arrivati ‘a fora pe’ guardà‘,

pe’ via Tuledo ‘e mett’a passiggià‘;

Â

‘a parte d”e Re Magi ‘a ponno fà‘

chilli putenti venuti a se ‘ncuntrà‘,

purtanno cu’ ‘e parol’ ‘e circostanza,

nu bello suonne e, ‘nzieme, na speranza;

Â

e, a mezzanotte, quann’ ‘e criaturelle

appicciano, cantanno, ‘e stelletelle,

addò se mette ‘o ninno dint’ ‘e fasce,

ce sta, Napule … ca n’ata vota nasce.

Â

[ Inizio ]

---

‘O suttanino

Â

Dopo anni di attese, sempre vane,

… hann’araputo l’acqua d’ ‘e funtane,

e, na signora, appena s’è scetata,

apprufittanno s’è fatta na sciacquata.

Â

Pe’ parè’ bella a quelli del gisette,

po’ s’è misa ‘na pover’ ‘e russetto

e, po’, pure un paio d’orecchini

e, ‘ncanne, na cullana ‘e curallini.

Â

Attuorn’a l’uocchie s’è fatta na pittata,

po’, s’è misa na vesta scullacciata,

na ricca pettenessa’int’ ‘e capille

e doie scarpe, con i tacchi a spillo.

Â

Accussì ‘mpupazzata e ‘ncannaccata,

ha decis’ ‘e se fa’  na passiggiata,

s’è misa, ‘ncopp’ ‘o braccio, na burzetta,

e s’è appicciata na bella sigaretta.

Â

Ha camminat’assaie pe’miez”a via:

vicin’ ’o mare e, po’, Santa Lucia

e s’è fermata, pe’ se fa vedè’,

‘nnanz’a ‘o palazzo addò ce stev’ ‘o rre.

Â

Cu’ nu surriso ‘a gente l’ ‘a guardata,

felic’ ‘e ‘sta bellezza riturnata,

e nu ruffiano ha ditto: “Furastè’,

je, pe’ tre juorne, ‘a faccio stà‘ cu’ te!”

Â

Dint’ ‘a casa è rimast’ ’o ‘nnammurato,

sta sulo sulo, triste e scunzulato,

e penza ca mo chella l’ha lassato

p’ ‘o sfizio’e fà‘ ‘na festa ‘nziem’a n’ato.

Â

Ma, po’, preg’a Maronna Addulurata

che, nun s’addà spuglià’ ’sta ‘nnammurata.

Sul’isse ‘o sape, ca le sta vicino,

che sott’ ‘o tene rutto, ‘o suttanino.

Â

[ Inizio ]

---

Pensieri e parole di un cuore

( ….in attesa di donazione)

Â

Si nuie parlammo, senza ipocrisia,

dicimmela, na vota, ’a verità :

l’uomo, na bella dose di pazzia,

certo nun se l’è fatta mai mancà’.

Â

Pe’ vencere ’e cchiù brutte malatie,

continua la ricerca assiduamente,

ma, po’, s’abboffa d’ ’e peggio fetenzie

e votta bombe ’e morte ’ncap’ à gente.

Â

Mo s’è fidato ’e fa’ n’ata invenzione

pe’ l’illusione ’e l’immortalità;

cu’ ’sta scoperta, chiamata clonazione,

’a fotocopia ’e l’uommene vò fa’.

Â

Je stongo ’e casa dint’a nu cristiano,

ca tene ’sta condanna: adda murì’!

E mo chella notizia, chiano chiano,

chesta  speranza mia… ’a fa fuì’.

Â

Nu miereco sensale, amico mio,Â

vedendo ca ’e salute stongo buono,

aiere, me dicette: ” M’o veco io,

ti trovo, certo, un’altra abitazione!

Â

’Stu quatt ’ ’e maggio, chi ’o sape si se fa,

mo ca se parla ’e chesta clonazione?

Ve pare giusto ca nun aggia campà’

pe’ bbia c’ ’a capa ’e l’omme nun è bbona ?!

Â

[ Inizio ]

---

Nu chiappariello

Â

Nu chiappariello corre miez’à via,

dint’a na maglietella verde e gialla;

‘nfaccia, ten’appicciata l’alleria,

pe’ bia ca pigli’a cavece na palla.

Â

‘Ncopp’a nu campo d’ever ‘abbruciata,

sta zumpanno, felice, nu guaglione:

‘a partit ‘e finale s’è jucata

e ha vuttat ‘int’a rezza nu pallone.

Â

‘A tanne, già vint’anne so’ passate,

nisciuno è addiventato nu campione;

‘o chiappariello, mo, fa l’avvocato,

e ‘o prufessorre fa, chillu guaglione.

Â

Dint’a nu campo ca se chiamma vita,

senza pallone, cuntinuano a jucà;

e so’ felic ‘e vencer ‘a partita,

aiutanno chi care a s’aizà.

Â

[ Inizio ]

---

Oro,’ncienzo e mirra

Â

Io nun songo nu vippe muscoloso

e nemmanco na femmena formosa,

ma ’st’anno ’o sfizio me l’aggia levà’

e, ’o calennario, pur’io v’’o voglio fà’,

pecchè, annura, v’aggia fà’ vedè’

na parola che gente, comm’a me,

a Natale ha sempre pronunciato,

senza conoscere il suo significato.

Â

’A quanno piccerillo sono stato,

chi sape tuttecose m’ha ’mparato

che, sul presepe, tra i vari personaggi,

un posto di rilievo hanno i Re Magi,

che, per adorare il Bambinello,

vengono dall’Oriente sul cammello,

guidati dalla stella, nella notte,

e arrivano cu’’a ’nferta annanz’ ’a grotta.

Â

Melchiorre dalla Persia giunge llÃ

e, come omaggio alla regalità,

porta na casciaforte chiena d’oro,

mentre Baldassarre, quello moro,

nu ’ncienzo preziuso ha priparato,

per regalarlo al divin neonato.

Il dono di Gasparre, ’o terzo rre,

se chiama “mirra”. E, mo, sentite a me.

Â

Chesta parola strevuza e curiosa

 pe’ me è stata sempe misteriosa

 e vi confesso che, fino all’ata sera,

 ’a dicevo … senza sapè’ che d’era.

 Nun saccio quanta libbri aggi’araputo,

 quanta pagin’’e storia aggio leggiuto,

 ma finalmente, dopo la lettura,

 a chesta “mirra”… l’aggio misa annura.

Â

 E, quanno senz’’a vesta l’ho guardata,

 improvvisamente ’a luce s’è appicciata.

 E accussì io mo me so’ ’mparato

 ca se tratta ’e n’agniento profumato,

 usato per dar l’ultimo conforto

 a chi – salute a nuie – purtroppo è muorto.

 Essendo riuscito nel mio intento,

 me sento overamente cchiù cuntento.

          —————————————-

Quanti parole ausammo pe’ parlà’!

… Ammore … bene … solidarietà …

 … amicizia … rispetto … libbertà.

 Che dicite, ’e vulimmo  scummiglià’!

 O è meglio che stanno cummigliate?

 Faciteme sapè’ che ne penzate.

Â

[ Inizio ]

---

’E pasture  arraggiate

Â

Ha fatto n’atu giro chesta rota:

n’at’anno aiza ’ncuollo e se ne va!

E accussì succede che s’avota

n’ata pagina d’’o libro d’’o campà’!

Â

Che vuò fà‘? ’A storia è semp’’a stessa.

Ogni anno vene e pare ca va ’e pressa,

pare che dint’’a sacca ten’’a neve,

comme, ’a tempo antico, se diceva.

Â

’Ncapa steve passanno ’stu pensiero,

quann’annanze a ’o presepio, ’ll’ata sera,

levavo, ’a dint’’e carte d’’o giurnale,

’e pasture, astipati pe’ Natale.

Â

E arapenno ’sti carte, chiano chiano,

vedevo si mancava quacche mano,

si quacche capuzzella era zumpata,

si quacche faccia s’era, o no, scardata.

Â

Ascette n’angiulillo, senz’’e scelle,

’o piscatore, senz’’e tre spaselle,

’a lavannara, senza cufenaturo,

e  duie Re Magi ,senza chillu scuro.

Â

Tutte chill’ate steveno ….bunariello:

’a Madonna, Giuseppe, ’o ciucciariello,

’a zingara, ’e surdate, ’o verdummaro,

’o vuoie, l’acquaiuolo, ’e zampugnari.

Â

Ma mentre, a uno a uno, m’’e guardavo,

’a cosa strana, ca nun me spiegavo,

era ca tutti stevano arraggiati,

’mmeperuti, currevusi,’ntussecati.

Â

Nisciuno nu sorriso me faceva,

’o muss’era ’ngrugnato e se vedeva.

Però nun afferrava ’a capa mia

‘a raggione ’e ’sta sprucetaria.

Â

Jette pe’ dì’: “Benino, ma ch’è stato?”

E chillo, cumpurtannose ’a scrianzato,

stiso, ‘ncopp’ ‘a paglia, rimanette,

‘e spalle m’avutaie e s’addurmette.

Â

Pruvaie cu’ Ciccibacco:”E’ buon’’o vino?”

E chillo, con fare propet’’e mappino,

appuianno na mano ’ncopp’ a ’a votte,

rispunnette:”E a te che te ne … ’mporta?”

Â

Fuie tanne che, con tono assai deciso,

chieno ’e collera e tutto rosso in viso,

dicette:”Basta! Turnateve a cuccà’!

Schiattate ’ncuorpo, ’o presepio nun se fa!”

Â

’O bambeniello, poi, parlaie accussì:

“Anto’ tu a ’sta gente l’hè ’a capì’,

pe’ n’anno s’è sentuta trascurata,

’nmiez’’e carte ’e giurnale arravugliata.

Â

L’omme, è ’a cchiù bella pianta che ce stà,

ma p’’a fa’ crescere l’hè ’a sapè’ arracquà’.

Si tu l’arracqui cu’ l’acqua dell’ammore,

’o sorriso, po’, schioppa, comme a sciore.

Â

Ma, mo, levat’’a miezo ogni questione

e, siccome ’o cumanna ’a tradizione,

chistu presepio facitelo pe’ me,

pure ’st’anno aggia dicere ’nguè …’nguè.”

 

[ Inizio ]